«Манчестер Юнайтед» ҳужумчиси Беньямин Шешко мавсум олди ўртоқлик учрашувларида ҳали майдонга тушмаганига қарамай, ваҳимага ҳеч қандай сабаб йўқ. Manchester Evening News (MEN) журналисти Стивен Рейлстон берган маълумотларга кўра, словениялик форварднинг тикланиш жараёни режа бўйича кечмоқда.
23 ёшли футболчи 22 август, шанба куни Премьер-лиганинг янги мавсуми 1-туридан ўрин олган «Халл Сити»га қарши баҳсгача тўлиқ сафга қайтиши кутилмоқда.
Шешко ўтган мавсумнинг 3 май куни «Ливерпуль»га қарши кечган ўйинда (3:2) орттириб олинган болдир жароҳатини қайталатиб олган эди. Ҳозирда у Кэррингтондаги ўқув-машғулот базасида тикланиш жараёнининг навбатдаги босқичини ўтамоқда ва майдонда якка тартибда машғулотларни давом эттирмоқда.
