«Liverpul» «Barselona»dan markaziy himoyachi Ronald Arauxoni ijaraga olmoqda.

«Qizillar» 27 yoshli urugvaylik futbolchini himoyani mustahkamlash uchun «ajoyib variant» deb bilishdi, shu sababli tezda aniq harakatlarga o‘tib, kataloniyaliklar bilan kelishuvga erishdilar. Jurnalist Ben Jeykobsning ma’lumotiga ko‘ra, mersisaydliklarga o‘ng qanotda ham o‘ynay oladigan tajribali markaziy himoyachi kerak edi.

«Liverpul» himoyada jiddiy muammolarga duch keldi: Ibraima Konate shartnomasi tugagach jamoani tark etdi, Jovanni Leoni va Konnor Bredli esa jarohatdan so‘ng tiklanishda davom etmoqda. Klubda Andoni Iraolaga yana bir himoyachi zarur degan qarorga kelindi.

Ronald Arauxoning ijara shartnomasida keyinchalik sotib olish imkoniyati ham ko‘zda tutilgan.