«Trabzonspor» misrlik hujumchi Muhammad Saloh transferi yakunlanganidan bir necha soat o‘tib, mavsumiy abonementlar sotuvi bo‘yicha klub rekordini yangiladi. Bu haqda Goal Turkiya klubi matbuot xizmatiga tayanib xabar berdi.
Klub taqdim etgan ma’lumotlarga ko‘ra, shu vaqtga qadar 18 mingta mavsumiy abonement sotilgan. Bu «Trabzonspor» tarixidagi eng yuqori ko‘rsatkich hisoblanadi.
Klub bayonotida qayd etilishicha, ushbu natija «puxta rejalashtirish, jamoaviy aql-zakovat, sabr-toqat va umumiy maqsadga bo‘lgan ishonch» samarasi bo‘lgan.
«Trabzonspor»ning navbatdagi maqsadi — 41 ming muxlisga mo‘ljallangan stadionda 25 mingta abonement sotish.
Kutilishicha, Saloh yangi jamoasi safidagi debyutini 15 avgust kuni Turkiya chempionatining birinchi turida «Qosimposho»ga qarshi uchrashuvda o‘tkazadi.
