Turinning «Yuventus» klubi sobiq futbolchisi Mark Yuliano Turin klubining yangi a’zosi Kerim Alaybegovichga yuqori baho berdi. Futbolchi turli takliflar orasidan ancha vaqt tanlov o‘tkazib, yakunda «keksa sinyora»ni ma’qul ko‘rgan edi. Yulianoga uning maydondagi harakatlari ma’qul kelmoqda.

«O‘ylashimcha, Alaybegovich kirib kelayotgan mavsumning syurpriziga aylanishi mumkin. U o‘z terma jamoasi safida allaqachon ko‘p ishlarni amalga oshirdi, bu hozirda juda ko‘p gapirilayotgan iste’dod egasidir», — deydi sobiq futbolchi derbyderbyderby.it nashriga.

Eslatib o‘tamiz, Alaybegovich o‘tgan Jahon chempionatida o‘zini yorqin tomondan ko‘rsatdi, unda Bosniya terma jamoasi dunyoning eng nufuzli turnirining pley-off bosqichiga yo‘l olishga muvaffaq bo‘lgan edi.