«Chelsi» bosh murabbiyi Xabi Alonso «Milan»ga qarshi kechgan o‘rtoqlik uchrashuvida (3:0) yarim himoyachi Romeo Laviyani maydonda qoldirish qarorini tushuntirib berdi.

Laviya 2023 yilning avgustida «Sautgempton»dan «Chelsi»ga o‘tganidan beri mushak jarohatlari sabab juda ko‘p o‘yinlarni o‘tkazib yuborgan edi. «Milan» bilan o‘yinga qadar belgiyalik futbolchi londonliklar safida biror marta to‘liq o‘yin o‘tkazmagandi.

«Laviyada 90 daqiqa davomida o‘ynash bilan bog‘liq ruhiy to‘siq bor edi. U charchagandi, lekin men: «Mayli, o‘ynasin, o‘ynasin», dedim. Biz unga maydonda to‘liq 90 daqiqa harakat qilishiga imkon berdik. U o‘yinni butunlay holdan toygan holda yakunladi va, fikrimcha, u naihoyatda baxtiyor», — deydi Alonsoning so‘zlarini Sport Bible nashri keltirib.

«Chelsi» navbatdagi o‘yinini 9 avgust kuni Malayziyaning «Johor Darul Tazim» klubiga qarshi o‘tkazadi. Alonso ushbu uchrashuvda ko‘plab yosh futbolchilar maydonga tushishini va’da qildi.