«Barselona» bosh murabbiyi Xans-Diter Flik jamoani tark etishi kutilayotgan hujumchi Ferran Torresning kelajagi haqida fikr bildirdi.

Ko‘plab mish-mishlarga ko‘ra, ispaniyalik futbolchi «PSJ»ga o‘tishi mumkin, shuningdek, unga Londonning «Arsenal» klubi ham qiziqish bildirmoqda.

«Ferran? Hozir e’tiborimni jamoaga qaratganman. Ta’tilda bo‘lib turgan futbolchilarni hurmat qilaman. Ferran haqida hech narsa bilmayman, menda hech qanday ma’lumot yo‘q», — deydi Flikning so‘zlarini BarcaTimes nashri keltirib.

Torres ta’tildan so‘ng kelasi hafta «ko‘k-anorranglilar» qarorgohiga qaytishi kerak. Jahon chempionining amaldagi shartnomasi 2027 yilning o‘rtalarida yakuniga yetadi.