«Liverpul» bosh murabbiyi Andoni Iraola «Monako»ga qarshi nazorat uchrashuvidagi 2:3 hisobidagi mag‘lubiyatdan so‘ng jamoaning o‘yini haqida fikr bildirdi.
«Enfild»da o‘tkazilgan bahsda mersisaydliklar birinchi bo‘limda 2:0 hisobida oldinga chiqib olgan edi. Biroq «Liverpul» bu ustunlikni saqlab qola olmadi. Mehmonlar javobsiz uchta gol urib, g‘alabani ilib ketdi.
Uchrashuvdan keyin Iraola jamoa oldida hali ko‘p ish borligini tan oldi.
«Biz istagan darajani to‘liq ushlab tura olmayapmiz. Hali ishlashimiz kerak», — dedi ispaniyalik murabbiy.
Bu «Liverpul»ning yangi mavsum oldidan tayyorgarlikdagi navbatdagi mag‘lubiyati bo‘ldi.
Mersisaydliklar keyingi nazorat uchrashuvini «Komo»ga qarshi o‘tkazadi. Shundan so‘ng jamoa 23 avgust kuni APLning 2026/27 mavsumi birinchi turida «Nyukasl» bilan bahs olib boradi.
