«Ливерпуль» бош мураббийи Андони Ираола «Монако»га қарши назорат учрашувидаги 2:3 ҳисобидаги мағлубиятдан сўнг жамоанинг ўйини ҳақида фикр билдирди.

«Энфилд»да ўтказилган баҳсда мерсисайдликлар биринчи бўлимда 2:0 ҳисобида олдинга чиқиб олган эди. Бироқ «Ливерпуль» бу устунликни сақлаб қола олмади. Меҳмонлар жавобсиз учта гол уриб, ғалабани илиб кетди.

Учрашувдан кейин Ираола жамоа олдида ҳали кўп иш борлигини тан олди.

«Биз истаган даражани тўлиқ ушлаб тура олмаяпмиз. Ҳали ишлашимиз керак», — деди испаниялик мураббий.

Бу «Ливерпуль»нинг янги мавсум олдидан тайёргарликдаги навбатдаги мағлубияти бўлди.

Мерсисайдликлар кейинги назорат учрашувини «Комо»га қарши ўтказади. Шундан сўнг жамоа 23 август куни АПЛнинг 2026/27 мавсуми биринчи турида «Ньюкасл» билан баҳс олиб боради.