18 yoshli markaziy yarim himoyachi Bara Sapoko Ndiaye «Bavariya» futbolchisiga aylandi. Gambiya chempionatida ishtirok etuvchi «Gambinos Stars» klubidan amalga oshirilgan transfer haqida myunxenliklar matbuot xizmati jamoaning rasmiy sayti orqali ma’lum qildi. Futbolchi bilan 2030/2031 yilgi mavsum so‘ngiga qadar, besh yillik shartnoma imzolandi.

Avvalroq senegallik futbolchi «Bavariya» bosh murabbiyi Vensan Kompaniga yoqishi va asosiy jamoaga qo‘shilib, belgiyalik mutaxassis qo‘l ostida ishlashi xabar qilingan edi. OAV ma’lumotlariga ko‘ra, transfer qiymati 3,5 million yevroni tashkil qilgan.

Ndiaye 2026 yilning birinchi yarmini «Bavariya»da ijara asosida o‘tkazgan. O‘tgan mavsumning so‘nggi qismida yarim himoyachi asosiy jamoa safida 4 ta uchrashuvda maydonga tushgan.

Yozda Ndiaye Senegal milliy jamoasi bilan 2026 yilgi Jahon chempionatiga borgan va musobaqada bir uchrashuvda maydonga tushgan.