18 ёшли марказий ярим ҳимоячи Бара Сапоко Ндиайе «Бавария» футболчисига айланди. Гамбия чемпионатида иштирок этувчи «Гамбинос Старс» клубидан амалга оширилган трансфер ҳақида мюнхенликлар матбуот хизмати жамоанинг расмий сайти орқали маълум қилди. Футболчи билан 2030/2031 йилги мавсум сўнгига қадар, беш йиллик шартнома имзоланди.
Аввалроқ сенегаллик футболчи «Бавария» бош мураббийи Венсан Компанига ёқиши ва асосий жамоага қўшилиб, бельгиялик мутахассис қўл остида ишлаши хабар қилинган эди. ОАВ маълумотларига кўра, трансфер қиймати 3,5 миллион еврони ташкил қилган.
Ндиайе 2026 йилнинг биринчи ярмини «Бавария»да ижара асосида ўтказган. Ўтган мавсумнинг сўнгги қисмида ярим ҳимоячи асосий жамоа сафида 4 та учрашувда майдонга тушган.
Ёзда Ндиайе Сенегал миллий жамоаси билан 2026 йилги Жаҳон чемпионатига борган ва мусобақада бир учрашувда майдонга тушган.
