Madridning «Real» klubi ushbu yozda boshqa yirik bitimlarni amalga oshirishni rejalashtirmayapti. «Qaymoqranglilar»ning so‘nggi xaridi «RB Leypsig»dan bonus to‘lovlarisiz 125 million yevroga sotib olingan vinger Yan Diomande bo‘ldi.

Marca ma’lumotlariga ko‘ra, «Real» rahbariyati Joze Mourinyu jamoasining tarkibi 95 foizga ukomplektlangan deb hisoblamoqda. Endi «qirollik klubi» bor e’tiborini keraksiz futbolchilar bilan xayrlashishga qaratadi. Yangi xaridlar esa faqat kutilmagan sotuvlar yoki jiddiy jarohatlar yuz bergan taqdirdagina amalga oshirilishi mumkin.

Eslatib o‘tamiz, avvalroq madridliklar safini Mark Kukurelya, Denzel Dyumfris, Ibraima Konate, Bernardu Silva va Karlos Espi to‘ldirgan edi. Jozibador takliflar va islohotlar ortidan Gonsalo Garsiya, Sesar Palasios, Fran Garsiya, Mario Martin, Fran Gonsales, Franko Mastantuono (ijara), Dani Sebalyos, David Alaba hamda Daniel Karvaxal jamoani tark etishdi.