Italiyaning «Parma» klubi darvozaboni Zion Suzuki faoliyatini «Pari Sen-Jermen»da davom ettiradi. Avvalroq klublar 23 yoshli yaponiyalik futbolchining o‘tishini kelishib olishgani haqida xabar berilgan edi.

Jurnalist Nikolo Skira ushbu ma’lumotni tasdiqladi. Uning xabariga ko‘ra, bonuslarni hisobga olgan holda transfer summasi 36 million yevroni tashkil etadi, Suzukining o‘zi esa 2031 yilgacha mo‘ljallangan shartnomaga qo‘l qo‘yadi. Yaqin ikki kun ichida futbolchi tibbiy ko‘rikdan o‘tishi va shartnomaga imzo chekishi kerak.

2025/26 yilgi mavsumda Suzuki A Seriya va Italiya Kubogida 22 ta o‘yinda maydonga tushdi. Ushbu davr mobaynida u 30 ta gol o‘tkazib yubordi va oltita o‘yinda o‘z darvozasi daxlsizligini saqlab qoldi.