«Bryugge»ning chap qanot himoyachisi Xoakin Seys Angliya Premyer-ligasiga o‘tishi mumkin.
Mirror Football xabariga ko‘ra, «Manchester Yunayted» 21 yoshli futbolchining transferi bo‘yicha «Bryugge»ga ilk taklifni yuborish imkoniyatini ko‘rib chiqmoqda. Belgiya klubi o‘z o‘yinchisini 35 million yevroga (taxminan 30 million funt) baholamoqda.
O‘tgan mavsumda Seys barcha turnirlarni hisobga olgan holda 55 ta o‘yinda maydonga tushib, raqiblar darvozasini besh bor ishg‘ol etdi va sakkizta golli uzatmaga mualliflik qildi.
Seysning «Bryugge» bilan amaldagi shartnomasi 2029 yilgacha mo‘ljallangan. Transfermarkt mutaxassislari belgiyalik futbolchini 20 million yevroga baholamoqda.
