«Bavariya» Google kompaniyasi bilan hamkorlik shartnomasini e’lon qildi. Bu dunyodagi eng qimmat kompaniyalardan biridir.

Ayni paytda Google klubning to‘rtta asosiy homiysi — Telekom, Adidas, Allianz va Audi’dan bir pog‘ona past maqomda bo‘ladi.

Myunxenliklarning boshqa kichik hamkorlari qatorida Betano, Bitpanda, Coca-Cola, Drutex, EA Sports, Einhell, Emirates, Paulaner, SAP, Schwarz digits va Viessmann ham bor.

Bild ma’lumotiga ko‘ra, Google homiylik uchun yiliga 10 million yevrodan ortiq mablag‘ to‘laydi. Google Gemini sun’iy intellekt platformasi orqali «iste’molchilar uchun sun’iy intellekt» yo‘nalishida rasmiy hamkorga aylanadi. Shuningdek, Google Pixel qurilmalari orqali «Bavariya»ning erkaklar va ayollar jamoalari uchun smartfonlar bo‘yicha rasmiy hamkor maqomini oladi.