«Бавария» Google компанияси билан ҳамкорлик шартномасини эълон қилди. Бу дунёдаги энг қиммат компаниялардан биридир.
Айни пайтда Google клубнинг тўртта асосий ҳомийси — Telekom, Adidas, Allianz ва Audi’дан бир поғона паст мақомда бўлади.
Мюнхенликларнинг бошқа кичик ҳамкорлари қаторида Betano, Bitpanda, Coca-Cola, Drutex, EA Sports, Einhell, Emirates, Paulaner, SAP, Schwarz digits ва Viessmann ҳам бор.
Bild маълумотига кўра, Google ҳомийлик учун йилига 10 миллион евродан ортиқ маблағ тўлайди. Google Gemini сунъий интеллект платформаси орқали «истеъмолчилар учун сунъий интеллект» йўналишида расмий ҳамкорга айланади. Шунингдек, Google Pixel қурилмалари орқали «Бавария»нинг эркаклар ва аёллар жамоалари учун смартфонлар бўйича расмий ҳамкор мақомини олади.
