«Al-Ittihod» hujumchisi Mussa Diabi «Bayer»ga qaytishga yaqin turibdi, deb xabar berdi jurnalist Florian Plettenberg X ijtimoiy tarmog‘ida.

Manbaga ko‘ra, 27 yoshli fransiyalik futbolchi nemis klubi bilan 2031 yilgacha mo‘ljallangan bitimni kelishib olgan va 2019 yildan 2023 yilgacha sharafini himoya qilgan sobiq jamoasiga qaytishni istamoqda.

Transfermarkt portali futbolchining transfer qiymatini 25 million yevroga baholamoqda.

O‘tgan mavsumda Diabi barcha turnirlarda 43 ta o‘yinda maydonga tushib, 6 ta gol urdi va 15 ta golli uzatmani amalga oshirdi.