Madridning «Real» klubi sobiq murabbiyi Alvaro Arbeloa o‘zining yangi murabbiylik faoliyatini mojaro bilan boshladi. U boshqarayotgan «Fulxem» Ispaniyaning «Malaga» klubi tashabbusi bilan o‘tkazilgan o‘rtoqlik turnirida («Trofeo Costa del Sol») maydonga tushdi, biroq uchrashuv aslo o‘rtoqlik ruhida kechmadi.

Birinchidan, Arbeloa o‘yin davomida murabbiylik zonasidan chetlatildi (qizil kartochka oldi). Ikkinchidan, o‘yinning asosiy vaqti 2:2 hisobidagi durang bilan yakunlandi. O‘yin qoidalariga ko‘ra, g‘olibni penaltilar seriyasi aniqlashi kerak edi. Biroq Arbeloa maydondan chetlatilganiga qaramay, o‘z futbolchilariga penaltilar seriyasiga chiqmaslikni buyurdi. Uning ta’kidlashicha, penaltilar seriyasi o‘yin shartnomasida ko‘zda tutilmagan edi, deb xabar beradi derbyderbyderby.it.