Мадриднинг «Реал» клуби собиқ мураббийи Альваро Арбелоа ўзининг янги мураббийлик фаолиятини можаро билан бошлади. У бошқараётган «Фулхэм» Испаниянинг «Малага» клуби ташаббуси билан ўтказилган ўртоқлик турнирида («Trofeo Costa del Sol») майдонга тушди, бироқ учрашув асло ўртоқлик руҳида кечмади.

Биринчидан, Арбелоа ўйин давомида мураббийлик зонасидан четлатилди (қизил карточка олди). Иккинчидан, ўйиннинг асосий вақти 2:2 ҳисобидаги дуранг билан якунланди. Ўйин қоидаларига кўра, ғолибни пенальтилар серияси аниқлаши керак эди. Бироқ Арбелоа майдондан четлатилганига қарамай, ўз футболчиларига пенальтилар сериясига чиқмасликни буюрди. Унинг таъкидлашича, пенальтилар серияси ўйин шартномасида кўзда тутилмаган эди, деб хабар беради derbyderbyderby.it.