Saudiya Arabistonining «Al-Hilol» klubi va Urugvay terma jamoasi hujumchisi Darvin Nunyes Turkiyaning «Trabzonspor» klubiga o‘tishga yaqin turibdi. Jurnalist Sasha Tavolyerining X ijtimoiy tarmog‘idagi xabariga ko‘ra, Trabzon klubi futbolchi uchun kurashda Istanbulning «Beshiktosh» jamoasini ortda qoldirgan.
Manba beradigan ma’lumotlarga ko‘ra, Nunyes ertaga, 15 avgust kuni Turkiyaga yetib keladi. Urugvaylik hujumchi yangi jamoasiga bir mavsumlik ijara asosida kelib qo‘shilishi aytilmoqda.
Avvalroq «Trabzonspor» «Liverpul»ning yana bir sobiq hujumchisi Muhammad Salohni erkin agent maqomida transfer qilganini e’lon qilgan edi. Nunyesga qiziqish bildirayotgani aytilgan «Beshiktash» esa «Yuventus»ning sobiq forvardi Dushan Vlaxovich bilan tarkibini kuchaytirib oldi.
