Londonning «Arsenal» klubi vingeri Gabriel Martinelliga yana bir klub — «Napoli» qiziqish bildirmoqda.

Italiya grandi braziliyalik futbolchi bo‘yicha ehtimoliy transfer shartlarini bilish uchun so‘rov yubordi, deb xabar bermoqda jurnalist Janluiji Longari. Tomonlar muzokara olib bormoqda.

Avvalroq Turkiyaning «Galatasaray» klubi Gabriel Martinelli uchun 45 million yevro taklif qilishga tayyor ekani haqida xabarlar paydo bo‘lgan edi. O‘tgan mavsumda 25 yoshli futbolchi Mikel Arteta jamoasi safida 53 ta uchrashuv o‘tkazib, 11 ta gol urdi va 7 ta golli uzatmani amalga oshirdi.