«Milan» yarim himoyachisi Yussuf Fofana yangi mavsum oldidan maydon markazini kuchaytirishni rejalashtirayotgan «Yuventus» e’tiboriga tushdi. Turin klubi 27 yoshli fransuzning transferini manfaatli shartlarda hal qilishga umid qilmoqda. Kelishuvning mumkin bo‘lgan variantlaridan biri sifatida futbolchilarni almashtirish ko‘rib chiqilmoqda, biroq hozircha klublar o‘rtasida rasmiy muzokaralar bo‘lib o‘tgani yo‘q.
Fofana «Milan» bosh murabbiyi Ruben Amorimning rejalaridan o‘rin olmagan va shu sababli jamoani tark etishi mumkin.
Fransiyalik futbolchi «Milan»ga 2024 yilda ko‘chib o‘tgan edi. U Paulu Fonseka va Serjiu Konseysau qo‘l ostida ikki tayanch yarim himoyachisi sxemasida harakat qilgan bo‘lsa, Massimiliano Allegri davrida o‘ng tomondagi «sakkizlik» pozisiyasida o‘ynab, hujumlarga ko‘proq qo‘shilishi va gol urishi talab etilgan.
2025/2026 yilgi A Seriya mavsumida Fofana 33 ta o‘yinda maydonga tushib, 2 ta gol urdi va 3 ta golli uzatmaga mualliflik qildi.
