«Milan»ning fransuz darvozaboni Mayk Menyan tanqidchilarga o‘ziga xos tarzda javob berishga qaror qildi.

Buning uchun u ijtimoiy tarmoqlardan biridan foydalandi va u yerga Xo‘ja Nasriddin va uning eshagi haqidagi hikoyani tasvirlovchi rasmni joyladi. Hikoyaning asosiy mazmuni shundan iboratki, bir vaqtning o‘zida hammaning ko‘nglini topishning iloji yo‘q. 

Shu tariqa, Menyan italiya matbuotining o‘ziga nisbatan navbatdagi tanqidlar to‘lqiniga javob qaytardi, deb xabar bermoqda pianetamilan.it. Menyan ta’tilini Fransuz Polineziyasi orollarida o‘tkazmoqda.