Niderlandiya chempionati doirasida «Ayaks» o‘z maydonida «Xerenven»ni qabul qildi. Uchrashuv 2:2 hisobidagi durang bilan yakunlandi.
Mezbonlar favorit sifatida bahsni faol boshladi va 7-daqiqada hisobni ochdi. Bernt Klaverbur to‘pni o‘z darvozasiga kiritib qo‘ydi.
33-daqiqada «Ayaks» ustunligini oshirdi. Abdella Uazan raqib darvozasini ishg‘ol qilib, hisobni 2:0 ko‘rinishiga keltirdi.
Birinchi bo‘lim yakunlanishi arafasida Yakob Trenskov «Xerenven»ning birinchi golini urdi.
Ikkinchi bo‘limda «Ayaks» ustunlikni saqlab turdi, ammo uch ochkoni qo‘lga kirita olmadi. Maksans Rivera gol urib, mehmonlarni mag‘lubiyatdan qutqardi — 2:2.
