Нидерландия чемпионати доирасида «Аякс» ўз майдонида «Херенвен»ни қабул қилди. Учрашув 2:2 ҳисобидаги дуранг билан якунланди.
Мезбонлар фаворит сифатида баҳсни фаол бошлади ва 7-дақиқада ҳисобни очди. Бернт Клавербур тўпни ўз дарвозасига киритиб қўйди.
33-дақиқада «Аякс» устунлигини оширди. Абделла Уазан рақиб дарвозасини ишғол қилиб, ҳисобни 2:0 кўринишига келтирди.
Биринчи бўлим якунланиши арафасида Якоб Тренсков «Херенвен»нинг биринчи голини урди.
Иккинчи бўлимда «Аякс» устунликни сақлаб турди, аммо уч очкони қўлга кирита олмади. Максанс Ривера гол уриб, меҳмонларни мағлубиятдан қутқарди — 2:2.
