"Real" klub an’anasini keskin o‘zgartirdi. Madridliklar Joze Mourinyoni muxlislar va jurnalistlar ishtirokisiz, yopiq marosimda jamoaning yangi bosh murabbiyi sifatida tanishtirdi.
"Qaymoqranglilar" odatdagidek ommaviy taqdimot o‘tkazmadi. Klub faqat o‘z rasmiy resurslarida maxsus videoni e’lon qildi. Shuningdek, matbuot anjumani ham tashkil etilmadi.
Goal portali Sport nashriga tayanib xabar berishicha, bu o‘zgarish tashabbuskori "Real" prezidenti Florentino Peres bo‘lgan. Uning qaroriga ko‘ra, endilikda klubga kelgan yangi futbolchilar va mutaxassislar ommaviy emas, balki yopiq marosimlarda tanishtiriladi.
"Real" La Liganing 1-turida "Espanyol"ga qarshi maydonga tushadi. Uchrashuv 22 avgust kuni bo‘lib o‘tadi.
