"Реал" клуб анъанасини кескин ўзгартирди. Мадридликлар Жозе Моуриньони мухлислар ва журналистлар иштирокисиз, ёпиқ маросимда жамоанинг янги бош мураббийи сифатида таништирди.
"Қаймоқранглилар" одатдагидек оммавий тақдимот ўтказмади. Клуб фақат ўз расмий ресурсларида махсус видеони эълон қилди. Шунингдек, матбуот анжумани ҳам ташкил этилмади.
Goal портали Sport нашрига таяниб хабар беришича, бу ўзгариш ташаббускори "Реал" президенти Флорентино Перес бўлган. Унинг қарорига кўра, эндиликда клубга келган янги футболчилар ва мутахассислар оммавий эмас, балки ёпиқ маросимларда таништирилади.
"Реал" Ла Лиганинг 1-турида "Эспаньол"га қарши майдонга тушади. Учрашув 22 август куни бўлиб ўтади.
