"Galatasaroy" "Napoli" vingeri Noa Langni yana o‘z safiga qo‘shib olish imkoniyatini ko‘rib chiqmoqda.
Sky Germany jurnalisti Florian Plettenberg ma’lumotiga ko‘ra, Turkiya klubi 27 yoshli niderlandiyalik futbolchining transferi bo‘yicha muzokaralarni boshlagan.
Lang o‘tgan mavsumning ikkinchi yarmini ijara asosida "Galatasaroy"da o‘tkazgan. Biroq klub o‘shanda uni 30 mln yevroga sotib olish huquqidan foydalanmagan edi.
Ayni paytda "Napoli" ham futbolchini keyingi rejalariga kiritmayapti va uning kelajagi bo‘yicha yechim izlamoqda.
Lang "Galatasaroy"da katta taassurot qoldira olmagan bo‘lsa-da, Chempionlar ligasida "Yuventus"ga qarshi o‘yinda dubl qayd etgan.
Bu yozda futbolchiga "Atalanta" va uning sobiq klubi "Ayaks" ham qiziqish bildirgan.
