"Галатасарой" "Наполи" вингери Ноа Лангни яна ўз сафига қўшиб олиш имкониятини кўриб чиқмоқда.
Sky Germany журналисти Флориан Плеттенберг маълумотига кўра, Туркия клуби 27 ёшли нидерландиялик футболчининг трансфери бўйича музокараларни бошлаган.
Ланг ўтган мавсумнинг иккинчи ярмини ижара асосида "Галатасарой"да ўтказган. Бироқ клуб ўшанда уни 30 млн еврога сотиб олиш ҳуқуқидан фойдаланмаган эди.
Айни пайтда "Наполи" ҳам футболчини кейинги режаларига киритмаяпти ва унинг келажаги бўйича ечим изламоқда.
Ланг "Галатасарой"да катта таассурот қолдира олмаган бўлса-да, Чемпионлар лигасида "Ювентус"га қарши ўйинда дубль қайд этган.
Бу ёзда футболчига "Аталанта" ва унинг собиқ клуби "Аякс" ҳам қизиқиш билдирган.
