"Manchester Yunayted" himoyachisi Xarri Maguayr klubdagi faoliyati va yangi mavsum oldidan maqsadlari haqida gapirdi.

"Bolaligimda bu klub safida hech bo‘lmasa bir mavsum o‘ynashning o‘zi orzu edi. Shuning uchun bu yerda sakkizinchi mavsumimni boshlayotganimdan juda faxrlanaman.

Bu yerda gap men haqimda emas. Faoliyatimning hozirgi bosqichida men muvaffaqiyatli, g‘alaba qozonadigan jamoaning bir qismi bo‘lishni istayman. Bu mavsumda barcha futbolchilarning maqsadi shu bo‘lishi kerak — har bir musobaqada mavsum oxirigacha kurashishni xohlaymiz.

O‘tgan mavsumga nisbatan yaxshiroq bo‘lishni istaymiz. Albatta, hamma Premyer-ligada g‘olib chiqishni xohlaydi va bu bizning ham maqsadimiz bo‘ladi. Bu klubda doimo shunday talab qo‘yiladi. Biz haqiqatan ham raqobatbardosh bo‘la olishimizga va yaxshi kunimizda istalgan raqibni mag‘lub eta olishimizga ishonamiz. Oldimizda qiziqarli mavsum turibdi.

Men endi shunday yoshdamanki, klub qancha xohlasa, shuncha futbolchi olib kelishi mumkin, hatto eng kuchli o‘yinchilarni ham. Men barcha sovrinlarni yutishni istayman va bu borada ochko‘z bo‘lishni xohlayman. Ammo hammasi klubga bog‘liq.

Ishonchim komilki, klub to‘g‘ri futbolchilarni jalb qilish uchun jiddiy ish olib bormoqda. Qancha ko‘p kuchli futbolchi bo‘lsa, shuncha yaxshi. Tarkib qanchalik kuchli bo‘lsa, sovrinlarni qo‘lga kiritish imkoniyatimiz ham shunchalik yuqori bo‘ladi. "Manchester Yunayted"da o‘ynaganda eng asosiysi ham shu", — dedi klubning sobiq sardori.