"Liverpul" "PSJ" qanot hujumchisi Ibraima Mbayeni transfer qilish g‘oyasidan voz kechishi mumkin.

Anfield Sector nashri ingliz jurnalistlariga tayanib xabar berishicha, mersisaydliklar 18 yoshli futbolchi bo‘yicha dastlabki muzokaralarni o‘tkazgan, ammo rasmiy taklif yuborish ehtimoli past. Shuningdek, "Liverpul"da senegallik iste’dod bilan og‘zaki kelishuvga erishilgani haqidagi ma’lumotlar rad etilgan.

Transfermarkt portali Ibraima Mbayening bozor qiymatini 30 million yevroga baholamoqda.

Shu bilan birga, "Liverpul" "PSJ"ning yana bir qanot hujumchisi Bredli Barkolyani transfer qilishi ehtimoli yuqori ekani aytilmoqda.

Mbaye "PSJ" asosiy jamoasi safida barcha musobaqalar doirasida 42 ta o‘yin o‘tkazib, 4 ta gol urdi va 4 ta golli uzatmani amalga oshirdi.