Londonning «Arsenal» klubi vinger Gabriel Martinelli xizmatlariga ortiq umid bog‘lamayapti. Bu haqda The Athletic nashri xabar bermoqda.

Manba bergan ma’lumotlarga ko‘ra, «kanonirlar» 25 yoshli braziliyalik futbolchini sotib yubormoqchi. Yaqinda klubga «Galatasaroy»dan o‘yinchi uchun 45 million yevrolik taklif tushdi, biroq asosiy muammo shundaki, futbolchining o‘zi Turkiyaga ko‘chib o‘tishni xohlamayapti. Ta’kidlanishicha, Martinelli o‘z ambisiyalariga mos kelmaydigan jamoaga o‘tish niyatida emas va umuman olganda, vinger «Arsenal»dan ketishga oshiqmayapti. Ushbu voqealar rivoji qanday yakun topishi hozircha noma’lum.

Martinelli 2019 yildan beri «Arsenal» sharafini himoya qilib kelmoqda. O‘tgan mavsumda u 53 ta o‘yinda maydonga tushib, 11 ta gol urgan va 7 ta golli uzatmaga mualliflik qilgan.

Angliya Superkubogi doirasida «Manchester Siti»ga qarshi kechgan so‘nggi bahsda (3:0) Mikel Arteta Martinellini o‘yin qaydnomasiga kirirtmagan edi.