"Arsenal" bosh direktori Richard Garlik Angliya chempionati klublari moliyaviy qoidalarni buzish bo‘yicha 100 dan ortiq ayblov qo‘yilgan "Manchester Siti" ishi yuzasidan tezroq qaror chiqarilishini xohlayotganini aytdi.
"Bu jarayon anchadan beri davom etmoqda. Hamma — liga ham, klublar ham — keyin nima bo‘lishi haqida aniqlik istaydi. Umid qilamanki, qaror juda tez orada qabul qilinadi", — dedi Garlik BBC Sport nashriga.
Ushbu ish bo‘yicha eshituvlar bir yarim yildan ko‘proq vaqt avval yakunlangan, ammo mustaqil komissiya haligacha yakuniy hukmni e’lon qilmagan.
Ish doirasida klubga noto‘g‘ri moliyaviy ma’lumotlar taqdim etganlik, UYEFAning moliyaviy feyr-pley qoidalari hamda Angliya Premyer-ligasining moliyaviy talablarini buzganlik, shuningdek, tergov bilan yetarlicha hamkorlik qilmaganlik kabi da’volar qo‘yilgan.
"Manchester Siti" esa barcha ayblovlarni rad etmoqda.
2024 yilda "Arsenal", "Liverpul", "Manchester Yunayted" va "Tottenxem" agar "Siti" aybdor deb topilsa, tovon puli talab qilish huquqini saqlab qolgan edi. Ayrim klublarning ehtimoliy zarari 116 million yevrodan ortiq deb baholanmoqda.
