«Barselona» sport direktori Deku klubning yozgi transferlar oynasida markaziy hujumchi bilan shartnoma imzolash borasida ish olib borayotganini ma’lum qildi.

Avvalroq kataloniyaliklar safini hujumchilar Ferran Torres va Robert Levandovski tark etgan edi. Dekuning ta’kidlashicha, jamoa Torresning o‘rnini yangi futbolchi bilan to‘ldirishi mumkin, ammo Levandovskining o‘rnini bosish ancha murakkab vazifa hisoblanadi.

— Ikki futbolchi — Ferran va Robert ketdi. Biz Ferranni yangi transferlar orqali almashtirishimiz mumkin, ammo Robertning o‘rnini bosish juda qiyin. Hatto yaxshi futbolchi topilgan taqdirda ham, bu oson bo‘lmaydi, chunki u jamoamizning asosiy futbolchilaridan biri edi.

Bizda ichki imkoniyatlar ham bor, ammo, albatta, ayrim qadamlarni tashlaymiz. Gap eng yaxshi yechimni izlash haqida ketmoqda, — dedi Dekuning so‘zlarini Mundo Deportivo nashri keltirdi.

Shu tariqa, «Barselona» yangi mavsum oldidan markaziy hujumchi pozisiyasini kuchaytirish ustida ish olib bormoqda. Klub rahbariyati Levandovskining o‘rnini munosib tarzda to‘ldirish uchun eng maqbul variantni izlamoqda.