Kenan Yildizning "Yuventus"dan "Arsenal"ga o‘tishi mumkinligi haqidagi mish-mishlar yana avj oldi. "Kanonirlar" 21 yoshli futbolchini jiddiy ravishda o‘z safiga qo‘shib olishni maqsad qilgan va uning transferi uchun taxminan 100 million yevro taklif qilishga tayyor. Bu haqda Tuttosport nashriga tayangan holda The Touchline xabar berdi.

Londonliklarning yulduzli turkiyalik futbolchiga qiziqishi haqida matbuotda anchadan beri xabarlar paydo bo‘lib kelayotgan edi. Biroq hozirga qadar bu qiziqish aniq taklif darajasiga yetmagan.

Transfermarkt ma’lumotlariga ko‘ra, Kenan Yildizning transfer qiymati 75 million yevroni tashkil etadi. Universal hujumkor futbolchi qanotda ham, hujumchining ortida markaziy pozisiyada ham o‘ynay oladi.

Yildiz fevral oyida "Yuventus" bilan shartnomasini 2030 yilga qadar uzaytirgan.