"Liverpul" vingeri Federiko Kyezaning A Seriyaga qaytishi mumkinligi haqida yana xabarlar tarqalmoqda.

Italiyalik futbolchi "Liverpul" mashg‘ulotida ishtirok etmadi. Biroq insayder Fabrisio Romanoning ma’lum qilishicha, bu uning yaqin orada klubni tark etishi bilan bog‘liq emas. Kyezada yana sog‘liq bilan bog‘liq muammolar yuzaga kelgan, ammo ularning qay darajada jiddiy ekani hozircha aniq emas.

Romano sobiq "Yuventus" futbolchisining boshqa klubga o‘tishini istisno qilmadi, ammo hozircha bu borada aniq yangilik yo‘q. Shuningdek, agar jarohat jiddiy bo‘lib chiqsa, futbolchiga qiziqish kamayishi mumkin.

Transfermarkt ma’lumotiga ko‘ra, Federiko Kyezaning bozor qiymati 13 million yevroni tashkil etadi. 28 yoshli futbolchining "Liverpul" bilan shartnomasi 2028 yilning o‘rtalariga qadar amal qiladi.