"Ливерпуль" вингери Федерико Кьезанинг А Серияга қайтиши мумкинлиги ҳақида яна хабарлар тарқалмоқда.
Италиялик футболчи "Ливерпуль" машғулотида иштирок этмади. Бироқ инсайдер Фабрицио Романонинг маълум қилишича, бу унинг яқин орада клубни тарк этиши билан боғлиқ эмас. Кьезада яна соғлиқ билан боғлиқ муаммолар юзага келган, аммо уларнинг қай даражада жиддий экани ҳозирча аниқ эмас.
Романо собиқ "Ювентус" футболчисининг бошқа клубга ўтишини истисно қилмади, аммо ҳозирча бу борада аниқ янгилик йўқ. Шунингдек, агар жароҳат жиддий бўлиб чиқса, футболчига қизиқиш камайиши мумкин.
Transfermarkt маълумотига кўра, Федерико Кьезанинг бозор қиймати 13 миллион еврони ташкил этади. 28 ёшли футболчининг "Ливерпуль" билан шартномаси 2028 йилнинг ўрталарига қадар амал қилади.
