"Chelsi" markaziy himoyachisi Mamadu Sarrga transfer bozorida bir qator klublar qiziqish bildirmoqda.

Jurnalist Nizaar Kinsella ma’lumotiga ko‘ra, "Real Sosyedad" 20 yoshli futbolchini ijaraga olmoqchi, Saudiya Arabistonining "Al-Hilol" klubi esa uni sotib olish imkoniyatini ko‘rib chiqmoqda.

Bundan tashqari, Sarrga Angliya Premyer-ligasi vakillari, shuningdek, Chempionlar ligasi va Yevropa ligasida ishtirok etadigan nomi oshkor etilmagan klublar ham qiziqish bildirmoqda.

Transfermarkt portali Mamadu Sarrning bozor qiymatini 22 million yevroga baholamoqda. O‘tgan yozda "Chelsi" senegallik himoyachini "Strasburg"dan xarid qilgan va keyin uni fevral oyiga qadar shu klubga ijaraga bergan. Sarr "Chelsi"ning asosiy jamoasi safida 7 ta uchrashuv o‘tkazgan.