Milanning «Inter» klubi hujumchisi Lautaro Martines faoliyatini Ispaniya La Ligasida davom ettirishi mumkin. Insayder Florian Plettenbergning X tarmog‘ida xabar berishicha, argentinalik futbolchi Kataloniyaning «Barselona» klubining markaziy hujumchi pozisiyasi uchun tuzilgan short-listidan o‘rin olgan.

Manbaning ma’lumotlariga ko‘ra, 28 yoshli forvardning nomzodi jamoa ichida muhokama qilingan va atroflicha tahlil qilingan. Transfer oynasi yopilgunga qadar (1 sentyabr) ushbu bitim amalga oshishi mumkin. Xabar qilinishicha, «ko‘k-anorranglilar»ning «to‘qqizlik» pozisiyasi uchun ro‘yxatida jami ikkitadan uchtagacha futbolchi mavjud.

Avvalroq Lautaro Martines «Barselona» uchun «Atletiko»dan Xulian Alvares transferi bo‘yicha muzokaralar muvaffaqiyatsiz yakunlangan taqdirda muqobil variant sifatida qaralgan edi. OAV xabariga ko‘ra, «Inter» o‘z futbolchisini taxminan 120 million yevro evaziga qo‘yib yuborishga tayyor.