Jurnalist Patrik Bergerning xabar berishicha, «Barselona»ning 20 yoshli himoyachisi Ektor Fort kelib tushayotgan barcha transfer takliflarini rad etmoqda, chunki uning asosiy maqsadi — Dortmundning «Borussiya» klubiga o‘tish.

Dortmundliklar o‘ng qanot himoyasini kuchaytirish bo‘yicha asosiy nomzod sifatida aynan Fortni ko‘rishmoqda. Kataloniya klubi futbolchini 15–20 million yevroga baholamoqda. Biroq, agar shartnomaga keyingi transferdan ulush olish yoki futbolchini qayta sotib olish huquqi kiritilsa, «Barselona» narxni pasaytirishga tayyor.

Himoyachiga Italiyaning «Roma» va Ispaniyaning «Real Sosyedad» klublari tomonidan ham qiziqish bor, ammo Fort transfer oynasi yopilguncha Dortmund klubining qarorini kutishga qaror qilgan. Ayni vaqtda «Borussiya» va «Barselona» kelishuvga erishish uchun to‘g‘ridan-to‘g‘ri muzokaralarni davom ettirishmoqda.

Bundan tashqari, Dortmund klubi himoyachisi Luka Redjianiga Milanning «Inter» klubi qiziqish bildirayotgani va uning ehtimoliy ketishi Fortning «Borussiya»ga o‘tish imkoniyatlarini yanada oshirishi mumkin.