"Barselona"ning afsonaviy sobiq futbolchisi Ronaldinyo Paragvayda qamoqda bo‘lgan paytida futbol unga qiyin vaziyatni yengib o‘tishga qanday yordam berganini esladi. Bu voqealar Netflix'ning 2026 yilda namoyish etilgan "Ronaldinho: The One and Only" hujjatli serialida ham yoritilgan.
"Futbol menga bardosh berishga, atrofda sodir bo‘layotgan voqealardan chalg‘ishga yordam berdi. Turnir finalida jamoamiz 11:2 hisobida yirik g‘alaba qozondi. Men beshta gol urdim va oltita golli uzatma berdim. Sovrin sifatida esa bizga 16 kilogrammlik cho‘chqa berishdi", — dedi Ronaldinyo.
Eslatib o‘tamiz, 2020 yilda Ronaldinyo va uning akasi Paragvayga soxta hujjatlar bilan kirish bilan bog‘liq ish doirasida qo‘lga olingan edi. Keyinchalik braziliyalik sobiq futbolchi qamoqdan chiqarilib, uy qamog‘iga o‘tkazilgan.
