"Барселона"нинг афсонавий собиқ футболчиси Роналдиньо Парагвайда қамоқда бўлган пайтида футбол унга қийин вазиятни енгиб ўтишга қандай ёрдам берганини эслади. Бу воқеалар Netflix'нинг 2026 йилда намойиш этилган "Ronaldinho: The One and Only" ҳужжатли сериалида ҳам ёритилган.

"Футбол менга бардош беришга, атрофда содир бўлаётган воқеалардан чалғишга ёрдам берди. Турнир финалида жамоамиз 11:2 ҳисобида йирик ғалаба қозонди. Мен бешта гол урдим ва олтита голли узатма бердим. Соврин сифатида эса бизга 16 килограммлик чўчқа беришди", — деди Роналдиньо.

Эслатиб ўтамиз, 2020 йилда Роналдиньо ва унинг акаси Парагвайга сохта ҳужжатлар билан кириш билан боғлиқ иш доирасида қўлга олинган эди. Кейинчалик бразилиялик собиқ футболчи қамоқдан чиқарилиб, уй қамоғига ўтказилган.