"Real"ning braziliyalik himoyachisi Eder Militaoning jarohatdan so‘ng maydonga qaytish muddati borasida yangi ma’lumot paydo bo‘ldi.

Diario AS ma’lumotiga ko‘ra, 28 yoshli futbolchining tiklanish jarayoni ijobiy kechmoqda. Militao reabilitasiyaning yakuniy bosqichiga yaqinlashgan va allaqachon maydonda yengil yugurish hamda to‘p bilan oddiy mashqlarni bajarishni boshlagan.

Manbaga ko‘ra, "Real" himoyachisining sentyabr oxiri — oktyabr boshiga belgilangan xalqaro tanaffusdan keyin safga qaytishi kutilmoqda.

"Qirollik klubi" yangi mavsumdagi ilk rasmiy uchrashuvini 22 avgust kuni o‘tkazadi. Joze Mourinyu shogirdlari La Liga doirasida safarda "Espanyol"ga qarshi maydonga tushadi. Militao mazkur bahsda jamoasiga yordam bera olmaydi.