"Nyukasl" bosh murabbiyi Mattias Yayssle 2026/27 yilgi mavsum boshlanishi arafasida jamoa manziliga bildirilayotgan tanqidlarga munosabat bildirdi. Mutaxassis tashqi bosim va salbiy fikrlarga e’tibor qaratmasligini ta’kidladi.

"Ular bizni yoki shaxsan meni qanday baholayotganini bilmayman. Rostini aytsam, hurmatni saqlagan holda aytaman — menga baribir. Boshqalarning fikri men ta’sir qila oladigan narsa emas. Bizning yondashuvimiz yaxshi va biz faqat o‘zimiz nazorat qila oladigan narsalarga e’tibor qaratishimiz kerak. Bu jamoa bilan butun yo‘limiz davomida shunday bo‘ladi.

Biz uchun tashqaridan kelayotgan salbiy fikrlardan uzoq turish to‘g‘ri qaror. Bunday negativ bor — gazetalarni, OAVni va ayniqsa, ijtimoiy tarmoqlarni ko‘rsangiz, bunga guvoh bo‘lasiz. Shuning uchun vazifamiz o‘zimiz nazorat qila oladigan jihatlarga e’tibor qaratish.

Albatta, jamoa hali o‘zining to‘liq salohiyatiga yetgani yo‘q va biz buni yaxshi tushunamiz. Mavsumning hozirgi bosqichida bu tabiiy holat. Ayniqsa, mavjud vaziyatni hisobga olsak, 100 foiz tayyor bo‘lishning imkoni yo‘q", — dedi Yayssle.

"Nyukasl" yangi APL mavsumidagi ilk uchrashuvini 23 avgust kuni o‘z maydonida "Liverpul"ga qarshi o‘tkazadi.