Artur Melo «Yuventus»ni tark etdi. Turin klubi braziliyalik yarim himoyachi bilan shartnoma tomonlarning o‘zaro kelishuviga ko‘ra bekor qilinganini rasman e’lon qildi.

«Yuventus» Arturni 2020 yilda «Barselona»dan 80 million yevro evaziga sotib olgan edi. Shundan so‘ng yarim himoyachi Turin klubida muqim o‘rnasha olmadi va bir nechta jamoalarda ijarada to‘p surdi. U 2022 yildan beri «Liverpul», «Fiorentina», «Jirona» jamoalarida o‘ynagan bo‘lsa, o‘tgan mavsumni Braziliyaning «Gremio» klubi safida o‘tkazgan edi.