«Arsenal» vingeri Xristos Solis Premyer-liganing birinchi turida «Koventri» ustidan qozonilgan 3:0 hisobidagi g‘alabadan so‘ng jurnalistlar bilan suhbatlashdi.

24 yoshli «kanonirlar»ning yangi futbolchisi uchrashuvda gol yoki golli uzatma bilan ajralib turmadi, ammo jamoa bosh murabbiyi Mikel Artetaning iliq fikrlariga sazovor bo‘ldi.

«Hozir hammasi boshqacha, ammo shu vaqt davomida ko‘p narsa o‘rgandim. APLda o‘ynash nimani anglatishini, jismoniy jihatdan tayyor bo‘lish qanchalik muhimligini bilardim. So‘nggi to‘rt yil davomida turli klublarda o‘ynab, ancha o‘sdim va nihoyat yana shu darajaga qaytdim.

Boshlash uchun, avvalo, jismoniy jihatdan juda kuchli bo‘lish kerakligini bilardim. Ammo ruhiy tayyorgarlik ham juda muhim — busiz APLda ham iloji yo‘q», — deya Solis intervyusidan iqtibos keltiradi Arsenal Radar.