"Roma"ning 19 yoshli yarim himoyachisi Muhammed Ba o‘ng tizzasining old xochsimon bog‘lamini tiklash bo‘yicha jarrohlik amaliyotini o‘tkazdi. Klub ma’lumotiga ko‘ra, operasiya muvaffaqiyatli yakunlangan.

Futbolchi yaqin kunlarda shifoxonadan chiqarilib, reabilitasiya jarayonini boshlaydi. Uning mashg‘ulotlar va o‘yinlarga qachon qaytishi hozircha ma’lum qilinmagan.

Ba "Roma"ning turli yoshlar jamoalari safida jami 104 ta o‘yin o‘tkazib, 23 ta gol urgan va 12 ta golli uzatma bergan. Jumladan, U20 jamoasida 53 ta uchrashuvda 7 ta gol va 7 ta assist qayd etgan.