"Komo" darvozaboni Emil Audero jamoada qolishi kutilmoqda. Insayder Nikolo Skira ma’lumotiga ko‘ra, Italiya klubi 29 yoshli Indoneziya terma jamoasi a’zosini sotishni istamayapti.
Audero "Komo" uchun A Seriya va Chempionlar ligasi qaydnomasini shakllantirishda muhim futbolchi hisoblanadi. U Italiya futbol tizimida tarbiyalangani tufayli UYEFA talablariga mos mahalliy tayyorgarlikdan o‘tgan futbolchi maqomiga ega.
"Komo" Auderoni 2024 yilda "Sampdoriya"dan 6 million yevroga sotib olgan. Uning amaldagi shartnomasi 2028 yil yozigacha mo‘ljallangan.
O‘tgan mavsumda Audero "Kremoneze"da ijara asosida o‘ynab, 35 ta uchrashuvda maydonga tushdi. U 50 ta gol o‘tkazib yubordi va 12 ta bahsda darvozasi daxlsizligini saqladi.
