"Chelsi" hujumchisi Mark Giu faoliyatini Italiya chempionatida davom ettirishi mumkin. 20 yoshli ispaniyalik futbolchiga "Napoli" jiddiy qiziqish bildirmoqda.
Insayder Janluka Di Marsio ma’lumotiga ko‘ra, neapolliklar Giuni hujum chizig‘ini kuchaytirish uchun asosiy transfer maqsadlaridan biri sifatida belgilagan. "Napoli" futbolchini ijaraga emas, balki to‘liq sotib olish imkoniyatini ko‘rib chiqmoqda.
Giu "Chelsi"ga 2024 yil yozida "Barselona"dan o‘tgan. Londonliklar uning shartnomasidagi 6 mln yevrolik tovon pulini to‘lab, hujumchi bilan uzoq muddatli shartnoma imzolagandi.
Biroq ispaniyalik futbolchi hozirgacha "Chelsi" asosiy tarkibida muqim o‘rin egallay olmadi. O‘tgan mavsumda u APLda 8 ta uchrashuvda qatnashib, 1 ta golli uzatmani amalga oshirdi.
Transfermarkt Giuning bozor qiymatini 10 mln yevro atrofida baholamoqda.
