«Roma» «Chelsi» qanot hujumchisi Jeymi Gittensni ijaraga olish bo‘yicha rasmiy taklif bilan chiqdi. Bu haqda jurnalist Alfredo Pedulla xabar berdi.
Rimliklar 22 yoshli Angliya terma jamoasi futbolchisini o‘z safiga qo‘shib olishga jiddiy qiziqish bildirmoqda. «Roma» endi Gittensni A Seriyaga olib kelish uchun aniq qadam tashlagan.
Biroq «Chelsi» hozircha futbolchini ijaraga berishga tayyor emas. London klubi transfer oynasining ayni bosqichida bu variantni rad etgan. Shunga qaramay, vaziyat keyinchalik o‘zgarishi mumkin va «Roma» Gittens bilan bog‘liq holatni kuzatishda davom etmoqda.
Ayni paytda «Roma»ning «Lion» hujumchisi Fofana bo‘yicha muzokaralari ham to‘xtab turibdi, ammo transfer varianti butunlay yopilmagan. Futbolchi hozir asosiy e’tiborini 26 avgust kuni «Fenerbaxche»ga qarshi o‘tadigan Chempionlar ligasi javob uchrashuviga qaratgan.
