«Bavariya» Dortmundning «Borussiya» klubini 2:1 hisobida mag‘lub etib, 2026-yilgi Germaniya Superkubogini qo‘lga kiritdi. «Dortmund» stadionida bo‘lib o‘tgan uchrashuvdan so‘ng myunxenlik futbolchilarga sovrin topshirildi.
«Bavariya» safida Nataniel Braun va Maykl Olise gol urdi. Dortmundliklarning yagona goliga esa Fabiu Silva mualliflik qildi. Bahsning 90-daqiqasida «Borussiya» himoyachisi Rami Bensebaini qizil kartochka olib, maydonni tark etdi.
2025 yilgi Germaniya Superkubogi ham «Bavariya»ga nasib etgandi. O‘shanda myunxenliklar «Shtutgart»ni 2:1 hisobida mag‘lub qilgan.
«Bavariya» o‘tgan mavsumda 89 ochko to‘plab, Germaniya chempioni bo‘lgandi. Shuningdek, jamoa mamlakat kubogini ham qo‘lga kiritgan. Dortmundning «Borussiya» klubi esa vise-chempion sifatida Superkubok bahsida ishtirok etdi.
